आयुष्यातले सगळेच क्षण आठवणीत राहतात असं नाही.. पण काही क्षण असे असतात, जे विसरू म्हणताही विसरता येत नाहीत! हा वाढदिवस म्हणजे त्या अनंत क्षणातला असाच एक क्षण… हा क्षण मनाला एक वेगळं समाधान देईलच.. पण आमच्या शुभेच्छांनी, वाढदिवसाचा हा क्षण एक सण होऊ दे हीच सदिच्छा! Happy Birthday!!!
प्रिय बाबा, आज जग मला तुमच्या नावाने ओळखतं हे खरं आहे.. पण मला खात्री आहे तुमच्याच आशीर्वादाने, मी इतकं कर्तृत्व करेन, की एक दिवस, हे जग तुम्हाला माझ्या नावाने ओळखेल… तुम्ही माझ्यावर केलेले एक-एक संस्कार, तुम्ही पहिल्यापासून दिलेले आचार- विचार, या पायावर तर आयुष्य भक्कमपणे उभे आहे… खरंच बाबा, केवळ तुमच्यामुळेच आज माझ्या जीवनात हे यश आहे! आणि माझा विश्वास आहे एक दिवस मी, तुमची सारी स्वप्नं पूर्ण करून दाखवेन! वाढदिवसाच्या शुभेच्छा बाबा!
प्रिय आजी, अजुनही हवाहवासा वाटतो, तुझा मायेचा स्पर्श! अजुनही ऐकाव्याश्या वाटतात, तुझ्या राजा-राणीच्या गोष्टी.. अजुनही आठवतात, तुझी चांदोमामांची गाणी.. अजुनही हवीशी वाटते, तुझ्या मायेची कुस.. अजुनही हवासा वाटतो, तुझा आशीर्वाद आणि जगण्याला नवं बळ देणारी तू.. अजुनही… अजुनही… हविहवीशीच वाटतेस! परमेश्वराने तुला दीर्घायुष्य द्यावं… हेच त्याच्याकडे मागणं!
तुमच्या आयुष्याचा प्रवास या वळणावर आलेला असतांना, आठवतायत.. आजवर तुम्ही घेतलेले कष्ट, तुमची साधना, आणि जगण्यातून आमच्यापुढे तुम्ही ठेवलेला आदर्श.. इथून पुढच्या आयुष्यात परमेश्वर आपणास सुखसमृद्ध जीवन देवो… हीच या वाढदिवसानिमित्त प्रार्थना आणि शुभेच्छाही!