Tag: Diwali Shayari Marathi

Diwali Shubh Deepawali Greetings Wishes & Quotes Marathi

Diwali WIshes Marathi

दिवाळी निमित्त हार्दिक शुभेच्छा मित्रांनो! आम्ही या लेखामध्ये तुमच्यासाठी दिवाळीची संपूर्ण माहिती तसेच सुंदर शुभेच्छापत्रे घेऊन आलो आहोत. या लेखातील माहिती शाळेतील मुलांना दिवाळी निबंध लिहण्यासाठी उपयोगात येऊ शकेल. दिवाळीसाठी खास वसु बारस, धनत्रयोदशी, नरकचतुर्दशी, लक्ष्मीपूजन, बलिप्रतिपदा, भाऊबीज या पाचही दिवसांच्या शुभेच्छा इमेजेस ( Diwali Wishes Marathi) आम्ही येथे संग्रहित केल्या आहेत. आवडल्यास डाउनलोड करून तुमच्या मित्रांना दिवाळी शुभेच्छा द्यायला विसरू नका.

दिवाळी असे नाव का पडले?

दिवाळी हा हिंदू धर्मातील एक प्रमुख सण आहे. हा सण भारतामध्ये मोठ्या उत्साहाने साजरा केला जातो. या सणाला घराबाहेर अनेक दिवे लावले जातात, दारात रांगोळी काढली जाते, अंगणात कंदील लावला जातो. काही लोकांचा असा समज आहे कि रामाने चौदा वर्षांचा वनवास संपवून तो सीतेला घेऊन अयोध्येला परत आला तेव्हा दिवे लावून लोकांनी त्याचे स्वागत केले म्हणून दिवाळी असे नाव पडले. दिव्याच्या प्रकाशाने आपल्या जीवनातील अंधकार दूर व्हावा म्हणून हा दीपोत्सव साजरा केला जातो. दिवाळीच्या सायंकाळी दारा मध्ये दिवे लावून रांगोळ्या काढल्या जातात. लहान मुले मातीचा किल्ला तयार करून त्यावर मातीपासून बनवलेली रंगबिरंगी अशी खेळणी मांडतात. दिवाळीच्या पाचही दिवसाचे विशेष असे वेगळे महत्त्व आहे.

Shubh Diwali

धनाची पूजा, यशाचा प्रकाश,
कीर्तीचे अभ्यंगस्नान, मनाचे लक्ष्मीपूजन,
संबंधाचा फराळ, समृद्धीचा पाडवा,
प्रेमाची भाऊबीज अशा या दीपावलीच्या
आपल्या सहकुटुंब, सह परिवारास सोनेरी शुभेच्छा..
शुभ दिवाळी!

शुभ दिवाळी

दिवाळी निमित्त शुभेच्छा

घेऊनी दिव्यांचा प्रकाश सोनेरी,
माळोनी गंध मधुर उटण्याचा..
करा संकल्प सुंदर जगण्याचा,
गाठूनी मुहूर्त दिवाळीच्या सणाचा..
दीपावली शुभेच्छा!
दिवाळीनिमित्त मंगलमय शुभेच्छा !

दिवाळी निमित्त शुभेच्छा

Diwali Nimitt Shubhechha

शुभ दीपावली

दिपावलीच्या आजपासून ते भाऊबीज पर्यंतच्या,
साजरा होत असलेल्या आनंदमयी, उत्साही,
मंगलमय पर्वानिमित्त आपणास व आपल्या
परिवारास मनःपूर्वक हार्दिक शुभेच्छा…!

हे नववर्ष आपणास आनंदी, भरभराटीचे,
प्रगतीचे, आरोग्यदायी जाओ ह्याच
मनोकामना…!

शुभ दीपावली

Shubh Deepavali

Shubh Dipawali

जीवनाचे रूप आपल्या
तेजस्वी प्रकाशाने उजळवणारी दिवाळी,
खरोखरच अलौकिक असुन,
ही दिवाळी तुमच्यासाठी सुख, समाधान,
आणि वैभवाच्या दीपमाळांनी,
जीवन लखलखीत करणारी असावी…
दिवाळीच्या हार्दिक शुभेच्छा!

Shubh Dipawali

शुभ दिपावली

नक्षत्रांची करीत उधळण, दीपावली ही आली..
नवस्वप्नांची करीत पखरण, दीपावली ही आली..
सदिच्छांचे पुष्पे घेउनी, दीपावली ही आली..
शुभेच्छांचे गुच्छ घेउनी, दीपावली ही आली..
दीपावलीच्या तेजोमयी शुभेच्छा!

शुभ दिपावली

दिवाळीच्या हार्दिक शुभेच्छा

आली दिवाळी उजळला देव्हारा..
अंधारात या पणत्यांचा पहारा..
प्रेमाचा संदेश  मनात रुजावा..
आनंदी आनंद दिवसागणिक वाढावा..
दिवाळीच्या हार्दिक शुभेच्छा!

दिवाळीच्या हार्दिक शुभेच्छा

दिवाळीच्या लाख लाख शुभेच्छा

गणेशपूजा, लक्ष्मीपूजा,
सरस्वतीपूजा व दीपपूजा,
दिवाळीला उधाण येवो आनंदाला, उत्साहाला, हर्षोल्हासला,
वंदन करूया मनोभावे आज त्या मांगल्याला..
दिवाळीच्या लाख लाख शुभेच्छा..!

दिवाळीच्या लाख लाख शुभेच्छा

Diwali Wishes Marathi

दिवाळी अशी खास,
तिच्यात लक्ष्मीचा निवास…
फराळाचा सुगंधी वास,
दिव्यांची आरास…
मनाचा वाढवी उल्हास,
अशा दिवाळीच्या शुभेच्छा…
तुमच्यासाठी खास !!
हि दिवाळी तुम्हा सर्वांना सुखसमृध्दीची, भरभराटीची, आनंदाची जावो…
* शुभ दिपावली *

दिवाळी शुभेच्छा मराठी

Diwali Greetings Marathi

धन त्रयोदशी !!
नरक चतुर्दशी !!
लक्ष्मी पूजन !!
बलि प्रतिपदा !!
भाऊबीज !!
आपला संपूर्ण दीपोत्सव मंगलमय होवो…
शुभ दीपावली!

दिवाळी शुभेच्छापत्र मराठी


वाचा आणखी 👇
दिवाळीच्या हार्दिक शुभेच्छा दाजी, दीदी, मामा, मामी, नवरा, नवरोबा, मित्रा, ताई, दादा, वाहिनी, आत्या, आई बाबा, बायको, भाऊ, भाऊजी


वसु बारस

दिवाळीचा पहिला दिवस वसु बारस म्हणून साजरा केला जातो. आपली भारतीय संस्कृती कृषिप्रधान असल्यामुळे या दिवसाला विशेष असे महत्त्व आहे. या दिवशी संध्याकाळी गाईची तिच्या वासरासह पूजा केली जाते. घरात लक्ष्मीचे आगमन व्हावे यासाठी गाईची पूजा करण्याची पद्धत आहे. शेतकरी कुटुंब या दिवशी पुरणपोळीचा स्वयंपाक करतात. गाईच्या पायावर पाणी शिंपडून तिला हळद-कुंकू अक्षता वाहून तिला ओवाळले जाते. केळीच्या पानावर पुरणपोळीचा प्रसाद वाढून गाईला खाऊ घातला जातो. या पहिल्या दिवसापासून अंगणात रांगोळी काढायची सुरुवात होते. लहान मुला बाळांना चांगले आरोग्य प्राप्त व्हावे यासाठी देखील ही पूजा केली जाते.

Vasubaras Wishes Marathi

स्नेहाच्या दिव्यात तेवते वात तेजाची,
वसु बारस म्हणजे पूजा धेनु वासराची..
दिवाळीचा पहिला दिवस वसुबारस निमित्त
मंगलमय शुभेच्छा!

Vasubaras Marathi Wishes
वाचा आणखी 👇
Vasubaras Wishes Greetings Quotes & Images in Marathi


धनत्रयोदशी

दुसरा दिवस हा धनत्रयोदशीचा असतो. दिवाळीच्या २-३ दिवसाआधी त्रयोदशीला हा सण येतो. सोने चांदी तसेच वस्त्र खरेदीसाठी हा दिवस शुभ मानला जातो. या दिवसाला यम दीपदान असेही म्हणतात. या दिवशी सायंकाळी घराबाहेर दक्षिण दिशेस दिव्याच्या वातीचे टोक करून दिवा लावला जातो कारण दक्षिण हि यमाची दिशा आहे. दिव्यास नमस्कार करून यमाकडे अपमृत्यू टाळण्यासाठी आणि आयुष्य वाढण्यासाठी प्रार्थना केली जाते. असे केल्याने अपमृत्यु टळतो असा समज आहे. या दिवशी आरोग्यप्राप्तीसाठी आरोग्याचा देवता धन्वंतरि आणि धनप्राप्तीसाठी धनाचा देवता कुबेर याची पूजा केली जाते.

Dhantrayodashi Wishes in Marathi

आज धनत्रयोदशी!
धनवंतरी आपणावर सदैव प्रसन्न असू देत!
निरामय आरोग्यदायी जीवन आपणास लाभो!
धनवर्षाव आपणाकडे अखंडित होवो!

ही दिवाळी आपणास आणि आपल्या कुटुंबास,
आनंदाची आणि भरभराटीची जाओ..!

Bhaubeej Images Marathi
वाचा आणखी 👇
Dhantrayodashi Wishes Greetings Quotes & Images in Marathi


नरकचतुर्दशी

यानंतर चा तिसरा दिवस आहे नरकचतुर्दशी. या दिवशी श्रीकृष्णाने नरकासुराचा वध केला आणि प्रजेला त्याच्या त्रासातून मुक्त केले. कृष्णाच्या पराक्रमाचे स्मरण म्हणून अश्विन कृष्ण चतुर्दशीस नरक चतुर्दशी असे म्हटले जाते. पहाटे लवकर उठून आपल्यातील राक्षसी विचारांचा तसेच अहंकाराचा नायनाट करायचा हा दिवस आहे. या दिवशी अभयंगस्नान हे खूप महत्त्वाचे मानले जाते सकाळी लवकर उठून सुवासिक उटणे व तेलाचे मर्दन करून स्नान केले जाते. सूर्योदयापूर्वी स्नान केले जाणे म्हणजेच अभयंगस्नान. या दिवशी पहाटेपासून फटाके फोडायला सुरवात होते ती भाऊबीजेला संपते.

Narak Chaturdashi Wishes in Marathi

नरकासुराचा वध झाला नरकचतुर्दशीला
अभ्यंग स्नान करुनि स्मरावे श्रीकृष्णाला..
नरक चतुर्दशीच्या हार्दिक शुभेच्छा !

वाचा आणखी 👇
Narak Chaturdashi Wishes Greetings Quotes & Images in Marathi


लक्ष्मीपूजन

अश्विन अमावास्येला लक्ष्मीपूजन हा सण साजरा केला जातो. या दिवशी संध्याकाळी शुभमुहूर्तावर लक्ष्मीपूजन केले जाते. लक्ष्मी चंचल असल्यामुळे ती स्थिर व्हावी यासाठी स्थिर लग्नावर (मुहूर्त) हे लक्ष्मीपूजन केले जाते. व्यापारी लोकांच्या हिशोबाचे नवीन वर्ष लक्ष्मीपूजनानंतर सुरू होते. या दिवशी सकाळी पहाटे लवकर उठून अभ्यंगस्नान केले जाते. रांगोळी काढून पणत्या लावल्या जातात. संध्याकाळी लक्ष्मीपूजन करतांना पाटाभोवती रांगोळी काढून पाटावर सुबक असे कापड ठेवून त्यावर नारळ आणि कलश तसेच घरातील सोन्याचे दागिने चांदीच्या वस्तू आणि काही पैशांची नाणी ठेवून त्याची पूजा केली जाते. या दिवशी घराची साफसफाई करण्यासाठी लागणारी केरसुणी ही नवीन विकत घेतली जाते. तिला लक्ष्मी मानून तिच्यावर पाणी शिंपडून तिची हळद कुंकू लावून लक्ष्मीपूजनानंतर घरात वापरण्यास सुरुवात केली जाते.

Lakshmi Pujan Wishes in Marathi

महालक्ष्मीचे करून पूजन, लावा दीप अंगणी..
धन-धान्य आणि सुख-समृद्धी, लाभो तुमच्या जीवनी..
लक्ष्मीपूजन आणि दिवाळीनिमित्त मंगलमय शुभेच्छा!

Lakshmi Puja Wishes Marathi

वाचा आणखी 👇
Lakshmi Puja Wishes Greetings Quotes & Images in Marathi


बलिप्रतिपदा

कार्तिक शुद्ध प्रतिपदेला बलिप्रतिपदा हा सण साजरा केला जातो. या दिवसाला दिवाळी पाडवा देखील म्हणतात. साडेतीन मुहूर्तातील एक मुहुर्त म्हणून देखील या दिवसाचे विशेष असे महत्त्व आहे. बळीराजाचे रांगोळी चित्र काढून त्याची पूजा केली जाते. काही ठिकाणी बळीराजाची मूर्ती बनवून तिची पूजा केली जाते तर काही ठिकाणी शेणाचा बळीराजा करण्याची प्रथा अस्तित्वात आहे. बळीराजा म्हणजे शेतकऱ्यांचा राजा. बळीराजाच्या पूजनाचा हा दिवस आहे. जमा खर्चाच्या नवीन वह्या सुरू करण्यासाठी देखील व्यापारी लोक या दिवसाला शुभ मानतात.

Balipratipada Wishes in Marathi

आज बलिप्रतिपदा!
दिवाळी पाडवा,
राहो सदा नात्यात गोडवा..
कार्तिक शुद्ध प्रतिपदा म्हणजे,
बलिप्रतिपदा (दिवाळी पाडवा).
साडेतीन मुहूर्तांपैकी एक..
बलिप्रतिपदेच्या तुम्हाला व तुमच्या
परिवारास मनापासून शुभेच्छा..
शुभ दीपावली!

बलिप्रतिपदा शुभेच्छा

वाचा आणखी 👇
Balipratipada Wishes Greetings Quotes & Images in Marathi


भाऊबीज

भाऊबीज हा दिवाळीच्या सणाचा शेवटचा दिवस. हा दिवस कार्तिक शुद्ध द्वितीयेस साजरा केला जातो. या दिवशी यम आपल्या बहिणीच्या घरी जेवायला गेला म्हणून या दिवसाला यमद्वितीया असे नाव पडले. बहीण-भावांच्या प्रेमसंवर्धनाचा हा दिवस आहे. बहीण भावासाठी गोड-धोड जेवण बनवते. संध्याकाळी चंद्राची कोर दिसल्यानंतर चंद्राची पूजा करून नंतर भावाला ओवाळते. भाऊ ताटात ओवाळणी टाकून बहिणीला मान देतो.

भाऊबीजेच्या हार्दिक शुभेच्छा

नाते भाऊ बहिणीचे
नाते पहिल्या मैत्रीचे
बंध प्रेमाचे अतूट विश्वासाचे
भाऊबीजेच्या हार्दिक शुभेच्छा!

भाऊबीजेच्या हार्दिक शुभेच्छा

वाचा आणखी 👇
Bhau Beej Wishes Greetings Quotes & Images in Marathi